عدد المساهمات : 93 تاريخ التسجيل : 14/05/2009 العمر : 30 الموقع : منتديات هيااااط
موضوع: الــَـَـَهيْئَـَـَـَـة فِـِـِـِـي قُـَـَـَـلوٍبِـِـِنـَـَـَـا ..~ الأربعاء مايو 20, 2009 9:54 am
السلام عليكم وٍرحمة الله وبركاته
الهيئة في قلوبنا ,
عبارة تفرح القلب وتهيج المشاعر وتسعد الأرواح
كم هوٍ جميل أن نصبح متعاونين مع هيئة الأمر بالمعروف والنهي عن المنكر
لكي نعيش في حيـاة فيها من الخير الكثير وخالية من الشواهب والتفكك
~
كم نحن محظوظين بوجود الهيئة في بلادنا وكم نحن محسودين عليهم * بالعربي الله
يخليهم لنا *
شفنا أكثر شبابنا للأسف يتمنى زوال الهيئة من مناطق السعودية بكل بساطة وأريحية
لأنهم يبون الفله والحريه التامه ( الله يقلع الحريه اللي ماوراها الا المفسده )
للأسف مصر تتمنى وجود الهيئة عندهم والكويت نفس الكلام وحنا نتمنى نمحيهم
وإذا خطأ أحد من رجال الحسبة نقوم الدنيا عليهم ومانقعدها مرة ثانيه وإذا أخطأ
شرطي أو أي شي من الوظائف الحكومية نربط ألسنتنا لأننا مانقدر نقولهم شي
والهيئة نضرب فيها من اليوم لبكرة كل هاذا بسبب العلمانية الله يمحيهم
أبسط الوضوح العلمانية تقاتل من اجل الدنيا والهيئة تقاتل من أجل الأخره
ونشوف كثير من العلمانية يضربون الوتر الحساس في الهيئة لأن هاذي هي طرقهم
يبونا نتخلا عن الهيئة ونحاربهم بس نبي نكون مع الهيئة ونقول للمصيب منهم
أحسنت واللي أخطأ منهم نقوله أخطئت .
لو لاالله ثمن الهيئة كان حنا في خبر كان الحين لااحد يقولي ليه
نبي نذكرها حبه حبه وان شاء الله يتضح لكم الفرق بين وجود الهيئة وعدمها
1- لولاالله ثمن الهيئة كان نشوف عندنا فساد مايعلم فيه الا الله 2- لولاالله ثمن الهيئة كان نشوف السحرة بكل مكان عندنا 3- لولاالله ثمن الهيئة كان نشوف المراقص بكل مكان 4- لولاالله ثمن الهيئة كان نشوف الكحول تباع مثل المويه في البقالات 5- لولاالله ثمن الهيئة كان نشوف الدعاره بكل مكان 6- لولالله ثمن الهيئة كان نشوف صور البنات بكل جدار بالشوارع ( الإبتزاز )
أشياء كثيرة فيها فضل الهيئة علينا , لاأحد يجيني ويقول كل اللي ذكرته موجود
عندنا الحين !!
طيب أسئل نفسك / لو ماكان فيه هيئة عندنا بتتوقع بنكون مثل وضع الستر عندنا
الحين ؟
قلتها من قبل من أحسن نقوله أحسنت ومن أخطا نقوله أخطئت .
بس فيه كثير من الناس تنكر فضل الهيئة وتشوف السلبيات وتتكر الإيجابيات
وهاذا اكبر خطأ اننا نشوف السلبي ونترك الإيجابي , حتى في عهد الرسول صلى الله
عليه وسلم كانو يخطئون والبشر ماهو منزه عن الخطأ
سؤال / ليه اذا اخطأ شرطي مانتكلم عنه ومانسوي بلبه مثل مانسوي لحقين الهيئة ؟
ممكن الجواب يكون عشان الهيئة مايخلون الشباب يفلونها
سالفه صغيره صارت بيني وبين واحد من الشباب ؛؛
كنا نتكلم بموضوع الهيئة بلحظة الولد كان ماشي صح بكلامه عن الهيئة والا فجئه
قال الله يقلع الهيئة واللي حطهم عندنا انا ضحكت شوي وقلت وراه ياكافي !!
قال ماخلونا ننبسط قلت وشلون تنبسط قال مافيه شراب وسينما وفلة حجاج
انا بعدها انصدمت ماحبيت اجادله بشي سكت وقلت على خير .
بعدها فكرت بكلامه يعني اليبراليه وصلت الفكر هاذا لنا بالطريقة هاذي ؟
وينهم من قول الله عز وجل ( التائبون العابدون الحامدون السائحون * الراكعون
الساجدون الأمرون بالمعروف والناهون عن المنكر * والحافظون لحدود الله وبشر
المؤمنين )
يكفي القيام بالأمر بالمعروف والنهي عن المنكر من أوصاف سيد المرسلين
وبعض الناس يقول ليش الهيئة تحلق شعر الواحد واذا قلت له تتشبه بالنساء قال
الرسول كان شعره طويل !! طيب الرسول كان شعره طويل ويقوم بالحسبة .
الله سبحانه وتعالى ذكر مواضع الامر بالمعروف والنهي عن المنكر باكثر من آيه
منها قوله تعالى ( الذين إن مكناهم في الأرض أقاموا الصلاة وأتوا الزكاة وأمروا
بالمعروف ونهوا عن المنكر ولله عاقبة الأمور )
الله سبحانه وتعالى قرن وربط نصر الأمة وأسباب فوزها بالفلاح بالأمر بالمعروف
وقرن قتل الأمرين بالمعروف والناهين عن المنكر بالكفر بالله تعالى .
عظيم الحسبة في القران الكريم والبعض مننا يدور الزلة عليهم !!
والحمد لله فايدتهم تغطي على أغلاطهم
الهيئة تحمي بلادنا من الفسق والفجور وتحمي بناتنا وشبابنا من الغلط والبعض يمجد
أخطائهم واذا مركز ثاني غير الهيئة أخطأ مايفتح فمه بولاكلمه .
* واللي مايبي الهيئة يقرأ حديث الرسول صلى الله عليه وسلم بالتهديد والعذاب
لمن ترك الإحتساب
( إن الله تعالى لايعذب العامة بعمل الخاصة حتى تعمل الخاصة بعمل تقدر العامة
أن تغيره ولاتغيره فذالك حين يأذن الله في هلاك العامة والخاصة ) .
عرفتوا الحين أننا في نعمة !!
يتبع بالرد الثاني
رجـــــmissـــــه
عدد المساهمات : 93 تاريخ التسجيل : 14/05/2009 العمر : 30 الموقع : منتديات هيااااط
موضوع: رد: الــَـَـَهيْئَـَـَـَـة فِـِـِـِـي قُـَـَـَـلوٍبِـِـِنـَـَـَـا ..~ الأربعاء مايو 20, 2009 9:57 am
أبرز أخبار الهيئة من مناطق المملكه /
هيئۃ تبوڪ تخلص فتاتين في قضيتين مختلفۃ من شابين ابتزاهما بنشر صورهما !
هيئۃ الجوف تقبض على شاب حاول ابتزاز فتاۃ وتهديدها !
هيئۃ الجوف تلقي القبض على وافد ينشر مقاطع خليعۃ !
القبض على شاب قام بتهديد فتاۃ وابتزازها !
هيئۃ المدينۃ تقبض على وافد ابتز فتاۃ من جيرانه !
هيئۃ الشرقيۃ تقبض على وڪراً لتصنيع وترويج الخمور بالدمام !
القبض على عصابۃ بحوزتهم أڪثر من تسعۃ آلاف قارورۃ خمر !
هيئۃ حائل تقبض على أڪبر مصنع خمور !
معالجۃ ثلاث قضايا إبتزاز في احد مراڪز هيئۃ عسير !
القبض على وافد يعمل في احدى ڪليات البنات !
بأخر المطاف همسات أخوية ,,
لاحد ينخدع وراء كلام اليبراليه اللي همهم الهدم وليس البناء واللي همهم أكبر
من كذا الدنيا قبل الأخرة والله حنا محسودين بموجود الهيئة اللي أغلب الناس برا
يتمنونها لويوم واحد تجي تنظف اللي عندهم من معاصي
أمنيه خاصة ,
اللي يبي يناقش عن الهيئة يناقش بـ أدله وبراهين ويترك حركات الأخبار اللي
ماتفيد لأن كل الناس يخطئون ومافيه احد كامل ولو نبي ندقق بمراكز ثانيه كان شفنا
العجب العجاب ولاتكون عيونا منصبه على خطأ فرد من أفراد الهيئه ..
وردود الـ يسلمو وزيادة المشاركات واللي كانه مغصوب على الرد لايرد ..
اذا اخطـيـت فـمن الشـيـطـان واذا اصـبـت فـمن الله عز وجـل
إنتهى
بقلم / إنكسار - فيصل
همسه لـ ناقلين المواضيع / مافيه مانع من نقل الموضوع لمنتديات ثانيه عشان تعم الفايده بس ياليت الله لايهينكم ذكر المصدر
موضوع: الــَـَـَهيْئَـَـَـَـة فِـِـِـِـي قُـَـَـَـلوٍبِـِـِنـَـَـَـا ..~ 
,
